【孖女盡得遺傳】熊黛林感動：以後的每一個生日你們都要陪我一起過

2018-10-11

琴日係10.10，除咗係已故樂壇天后梅艷芳嘅生日之外，亦係靚媽熊黛林（Lynn）嘅生日。

今晚佢喺唔同嘅社交網站分別貼相，佢抱住一對就快半歲大嘅孖女Kaylor同Lyvia。

Lynn仲錫錫囡囡，並留言話：「今年多兩個陪我過生日啦！」

喺另一個post，Lynn貼出全家福，佢同老公郭可頌一人抱一個，Lynn留言話：「以後的每一個生日你們都要陪我一起過！祝我生日快樂！」Kaylor同Lyvia唔知係咪盡得媽咪遺傳，對鏡頭好敏感，影全家福時，識得望鏡頭，非常趣致。