尋日踏入27歲嘅前港姐張寶兒（Bowie）已經同男友袁偉豪（Benjamin）及未來奶奶去咗東京旅行，今次仲係佢處女下海首次同埋Ben家人外遊！ 
除咗生日當晚Ben當街獻唱冧女友，佢哋都不停喺社交網放閃，又以男女朋友視角互影對方，而Ben仲化身司機載住佢周圍去，真係Sweet到漏！
不過除咗女友，Ben都冇唔記得阿媽，佢今日就喺Instagram上載母子溫馨合照，網民都大讚袁媽媽好年輕，佢哋兩個笑容都好一致！
其實Ben一直都好孝順，年中為患上鼻咽癌的父親奔波勞碌，可惜袁父最終不敵病魔離世，堅強面對嘅Ben曾表示「媽媽交給我吧」一力承擔照顧母親嘅責任，阿Ben今次亦留言：「只要媽媽👩快樂，我便快樂！」
(on.cc東網)
