懷胎十月要面對種種不適，生理及心理上都有極大轉變，即將卸貨嘅Coffee林芊妤，選擇同一大班好朋友開Party舉行Baby Shower，粉藍色佈置相當夢幻，Baby Chak未出世已經萬千寵愛在一身啦。準媽媽話：「Thanks for coming!雖然無齊人既大合照，但係baby Chak好幸福，比好多靚姐姐圍住，Bb仲收左好多禮物，多謝喔﹗」
10月6號Coffee約埋一班好姐妹出席Baby Shower，懷孕8個多月嘅Coffee，身穿橙紅色長袖連身裙，玩得相當開心。見到派對現場佈置得非常靚，整體以粉藍作主色，訂製雙層糖皮蛋糕配以可愛狗仔，代表Baby Chak生肖屬狗；印有「Hello Chak」以及「Mum to be Coffee」嘅大型透明汽球，仲有好多Cup Cake同小禮物。
平時見Coffee成日同一樣大住肚嘅閨蜜吳日言吃喝玩樂，原來佢身邊仲有好多媽媽以及大肚婆架﹗
除咗吳日言仲有同樣8個月身孕嘅Liddy 李悅彤，至於李蘊、《東張西望》主持梁麗翹等亦帶埋仔女一齊出席。
Coffee都不禁笑言：「身邊朋友很多都已結婚生子了，還有跟我差不多孕期的3位媽媽，大家都順順利利﹗未結婚的朋友被滿場BB媽媽的場景嚇到啦。」
(HK01)
