【林文龍型爆】郭可盈曬特別全家福超有愛~

藝人郭可盈不時都喺網上分享親子樂嘅相，一班網民隔住Mon都感受到佢哋幾咁幸福滿瀉！

呢日可盈就同老公林文龍同囡囡林天若（津津）一齊去沙灘，見到文龍拖住津津漫步沙灘，又陪佢一齊堆沙，果然係廿四孝爸爸，而可盈就喺旁邊幫佢兩父女影相，仲幫老公影chok爆甫士相。

佢留言：「海風輕輕、陽光悠悠、秋風送爽！​​​」隨後，文龍亦都喺網上晒出太太同津津合照，見到佢哋笑得咁開心，難怪網民都留言話幸福就係咁簡單呀～

好似媽媽呀～

咁樣嚟個一家三口「合照」，幾特別喎。