「囡囡Molly呢幾日出世，自己心情好奇怪，成個過程本身好平伏，加上細佬又有兩個小朋友… 自己唔想俾太大壓力自己，最緊要太太心情放鬆，近日都係幫太太做下按摩，做得幾多就做幾多。」
男子組合Mr.在九龍塘出席遊戲活動，早前為活動創作咗首新歌嘅佢哋即場欣賞及落場玩Game。
成員Dash(譚健文)剛榮升爸爸，佢話以前就玩賽車Game多，未來就要推BB車，Dash話：「囡囡Molly呢幾日出世，自己心情好奇怪，成個過程本身好平伏，加上細佬又有兩個小朋友，隊友當中亦都有成員生咗小朋友… 自己唔想俾太大壓力自己，最緊要太太心情放鬆，近日都係幫太太做下按摩，做得幾多就做幾多。」
Dash透露囡囡同太太現時仍在醫院，BB女七磅重，未有機會親自湊BB嘅佢話：「原本太太都想順產，但緣份未到要開刀，暫時睇唔到囡囡似邊個，因為啱啱出世。」以為人父嘅主音Alan就話：「能夠做嘅就係唔好搵Dash住，唔好問問題，因為啱啱生完BB都會好空洞，唔好騷擾佢就最好。」 另一父親Tom就話：「Dash平時都好照顧人，嚟緊佢大把時間發揮所長照顧BB。」其餘兩位成員都未有生小朋友，MJ就兩脅插刀話唔介意幫Dash BB女換片。
(蘋果日報)
