最近啲明星爸爸好難觸摸…好似啱啱做咗爸爸嘅陳柏宇，之前已經俾老婆符曉薇話佢恐怖，點知噚日陳柏宇仲興奮到抱起自己個女，嘗試「餵奶」，好似阿女識推開咋。
今日仲有位爸爸都差唔多，呢位爸爸喺ig貼咗自己個位差唔多5個月大嘅B仔手仔相，但就圈位咗，原來B仔無意間舉中指，做咗個粗口手勢，阿爸爸只係留咗四個哈哈笑嘅emoji，一啲都唔介意家教嘅重要性。
咁呢位爸爸係邊個呢？俾啲貼士
1.之前佢食物中毒
2.去日本唔見行李
答案係…余文樂。
而佢老婆王棠云同佢個前世情人余初見（Cody）約埋朋友齊齊帶小朋友散步。
相中王棠云揹住Cody仲舉起V字手勢，而朋友個女就幫手揸機，雖然對方年紀輕輕，但都影得好有構圖！
不過向來Cody個樣都係佢兩公婆高度保護嘅環節，所以啲相一係就影到Cody背面，一係就用星星幫佢遮樣，網友都話究竟幾時有真面目見呀？
(蘋果日報/on.cc東網)
