徐子淇女婚後一直熱心公益，早前更帶埋三個由七歲到十一歲的子女，包括7歲嘅Triston、九歲嘅Hayley同十一歲嘅Leanna，一齊去柬埔寨，言傳身教。此行係同「救助兒童會」合作，該會希望未來於柬埔寨興建十一間兒童早期教育及發展中心，徐子淇同行視察探訪，而今次亦係佢第三次帶子女去探訪。
今日有周刊報道就指，徐子淇與三子女此行主要到柬埔寨洞里薩湖的水上村探訪。洞里薩湖位於柬埔寨中心地帶，係東南亞最大的淡水湖，幾百年來世界上最大的漂浮聚落，世世代代都在湖面上過著原始生活。當地衛生環境欠佳，河水受嚴重污染，更不時發生留在船隻上的留守兒童溺斃。
此行徐子淇等人就在水上村莊探訪，還試坐當地渡河用的鐵盆，小朋友也來坐。7歲嘅Triston坐鐵盆水上飄時，亦大感驚慌，見到同佢一樣嘅小朋友都係以此為交通工具，Triston亦不禁為佢哋擔心。9歲嘅Hayley都話：「要行好窄嘅木橋，好驚會隨時跌落水。」
雖然之前做足了消毒功夫，但一樣「中招」，三個小朋友同徐子淇返港後，都分別感染沙門氏菌及手足口病。(香港手足口病最新消息：https://goo.gl/C7wCko)
(apple daily)
