大陸藝人范冰冰因為逃稅，被當局罰款10億港元，免去刑責。係佢神隱嘅幾個月，相信佢都見清人間冷暖，甚至有傳男朋友李晨為咗劃清界線同佢分手。
不過今次李晨同冰冰真係患難見真情，有傳大陸對冰冰嘅罰則出咗之後，李晨就出售一套四合院，用得嚟個一億人仔幫女朋友。
今日仲有網民貼出李晨朋友微信朋友圈嘅截圖，截圖顯示，LC（李晨）分享咗題目為「加油！范冰冰」的文章，暗中力挺女友。相信係呢次事件中，冰冰都知道邊個對佢好，都叫有所得着。
李晨對上一條微博貼文，已經係7月6日嘅事，佢繼日前冰冰喺微博千字文道歉之後，今日黃昏時段都更新咗微博，相隔三個月，佢終於出post撐女友，但就惜字如金，只係留言：「甭管多難，咱們一起渡過去。」
(apple daily)
