於1997年參加港姐入行，嗰陣事業發展得幾好，拍劇、做主持兼拍電影，點知喺08年移民去咗美國生活，15年仲宣佈同外籍男友結婚，消失咗近10年嘅佢，今年回流返香港。
2015年下嫁外籍老公前，已知對方患上淋巴癌，可是她堅持下嫁給對方，可惜婚後一年丈夫病情惡化，立即放下手頭上工作，陪丈夫走過人生最後一段日子，可惜對方最終病逝。
在香港土生土長嘅劉倬琦 (原名：劉綽琪)，早前接受《蘋果》專訪曾經講過：「我都係香港人，香港長大，香港是我家。見到近年好唔開心，自殺率好高，我自己會覺得……我可唔可以做番啲嘢呢？」結果佢決定暫時喺香港定居，努力籌備計劃，亦相約朋友見面。
前無綫女藝人劉倬琦
曾在2016年10月出席好友楊怡與羅仲謙婚禮
早前佢仲去大台接受好友吳家樂嘅訪問，喺訪問曾經提到喺美國casting嘅工作：「嗰陣因為屋企同埋好多嘢令到我想轉一轉，所以咪試吓去嗰邊發展，不過試鏡係難過真正拍攝，因為你永遠唔知鏡頭喺邊，一take過得就得唔得就唔得，唔會有人話俾你知係衰啲嘢，之後我去咗啲acting class重新適應過。」
之不過講到結束荷里活事業而回流發展，劉倬琦今日接受《蘋果》訪問話：「其實我喺美國係監製又係演員，喺08年仲加入咗演員工會，如果有合適嘅工作，我會飛返過去，所以唔會結束嗰邊嘅嘢。」佢仲搞笑話：「當年我入行係為咗激男友，點知之後入咗行之後又好enjoy個過程，如果唔係入咗行，又點會識到咁多前輩？因為佢哋令到我嘅人生多姿多采，紅唔紅係好個人，只要搵到餐飯食，又享受過程就冇問題。」
問到工作大計，佢就話：「我而家有啲計劃，不過要啲先公佈，近排同啲朋友見吓面，傾吓偈，好似賜官(劉天賜)、陶傑，遲啲又會同何麗全見吓面。」
（apple daily）
