歌手鄭欣宜（Joyce）今日出席活動，表示自己一直都有支持今次活動，故再能夠擔任粉紅大使成為一份子非常開心！
「我希望能夠幫助更多人可以理解同接受LGBT，亦可透過呢個活動可教育下一代知道愛就係愛，每個人都有權愛佢哋心愛嘅人，同埋愛係屬於所有人。（身邊多唔多LGBT嘅朋友？）都有好多，可能自己細個時都唔覺得係咩一回事，加上喺娛樂圈成長，好細個已接觸LGBT嘅朋友，所以特別『吸』LGBT朋友。」
問到有冇試過畀佢哋追求嘅經歷？Joyce說：「咁又冇喎！因為我知道自己係鍾意男仔，起碼暫時都係，但我覺得愛就係愛，所以唔排除第時搵到個夾到嘅人，佢係男定女都冇所謂。」
問到嚟緊有咩工作？佢表示忙於拍兩首新歌嘅MV，造型亦會有所突破：「有機會再拍就係一個新挑戰，希望可以做得更好。（造型係性感定有高難度動作？）係喺art方面嘅突破。」
(on.cc)
