現年53歲嘅藝人劉美君（Prudence）一直強調自己單身，雖然早前曾甫過同「無綫御用有錢人」黃子雄（Geoff）嘅拖手相，又大晒二人嘅心心手，不過佢就話大家只係Best friend啫，仲叫大家唔好咁關注藝人嘅私人感情狀況。
嗱嗱嗱，佢之前幾次都大大方方咁晒同黃子雄嘅親蜜照，今次佢又甫拖手相，仲要嚟個十指緊扣兼攬實手臂仔，Close嘅程度肯定高過上次嘅拖手相，但奇就奇在佢唔知點解要Cut走男方個樣，似係想保護對方身份。
有網友就偵探上身，推斷男方應該唔係「Bff」黃子雄，反而好有可能係Prudence嘅「Potential Lover」啵，不過亦有網友話可能係佢純粹就番個相位，所以先Cut相啫。
(on.cc東網)
