下周便38歲生日嘅熊黛林於16年嫁郭可盈胞弟郭可頌，升呢幸福濶太，今年4月仲生咗一對孖女Kaylor同Lyvia，孖女已5個多月大，熊黛林樂得湊女為樂，佢今日下晝5點左右，帶住媽咪同工人，湊埋孖女，三代同堂出巡中環掃嬰兒用品。
熊黛林戴住太陽鏡，好有濶太feel，唔知係咪谷奶，佢着住貼身裙，上圍突出。佢哋上樓去咗一間嬰兒用品店濕平，入到去店鋪，熊黛林乜都買，佢專攻嬰兒餐具、衫仔同口水肩，仲有暖奶器，因為佢家有孖女，所以買乜都要「乘雙」，員店都細心為佢服務。
外婆幫手孭一個外孫喺胸前，不時逗玩小孫女，熊黛林都擔心媽咪會太攰，佢應有排買，佢安頓媽咪坐下休息，孖女都好乖冇扭計，熊黛林又走近氹孖女，佢對孖女好細心。店員發現有記者影相，熊黛林都好友善打招呼，佢仲話：「我有排買。」
(蘋果日報)
