距離生B仲有一個月多啲，上個月個肚已經好大嘅佢，今日再喺社交網貼咗一張巨肚三點式泳照，用手捧住個肚嘅佢留言話：「因為BB壓迫著坐骨神經，所以偶爾游一下水對舒緩疼痛會有所幫助。」
李悅彤（Liddy）數月前被發現腹大便便，快將榮升人母，其後她接受訪問，大方承認今年年初已嫁成為人妻，而佢老公就係澳門富商鮑偉業（Ivan）。由於Ivan是生意人，加上之前結過婚，Liddy對老公嘅事一直都唔想多講，不過偶爾都會喺社交網放閃，好似早前Ivan生日，Liddy亦有上載同老公撐枱腳嘅相片。
Liddy仲話：「BB越來越大隻，已經比原先週數大隻了3週，是一個大碼B。醫生的每句專業建議令我心中原本所想的順產彷佛離我越來越遠。」暗示自己好大機會要開刀生，之後再瘋狂hashtag寫「#BB你呀媽我已經食得唔多」、「#食少少已經頂哂胃」、「#頂到肋骨都痛埋」、「#點解你都可以吸收得咁好」、「#咩生產方式都好最重要你平安健康」、「#話咁快就到尾段孕期」、「#既不捨又期待」。
(蘋果日報)
