48歲鄭嘉穎喺今年8月同拍拖3年嘅27歲港姐陳凱琳喺峇里結婚，嗰陣唔少朋友專登去咗當地出席婚禮，嘉穎仲為Grace喺教堂舉行咗一個浪漫嘅婚禮，一對新人喺聖壇前執子之手，由牧師帶領進行誓詞儀式，有情人終成眷屬，事後嘉穎話：「見到Grace行入教堂我已忍唔住，都流咗兩條馬尿，亦好感觸，多謝大家祝福！」
好多新婚夫婦喺外地註冊結婚之後，返到香港都會補辦手續，今日《蘋果》發現鄭生鄭太已經遞交《擬結婚通知書》，之不過佢哋報住嘅地址亦唔一樣，嘉穎報道喺大角咀海壇道，Grace就報住婚前同爸爸媽媽一齊住嘅九龍塘大宅，似乎唔想新居曝光！
要到法律上係夫妻先同居？
之前有指嘉穎將會以2016年買入嘅何文田皓畋單位做愛巢，但今次地址報稱係大角咀，唔通呢個先係佢兩個註冊結婚後嘅新居？
(蘋果日報/on.cc東網)
