早前天王嫂方媛（Moka）傳再度有喜，但佢喺社交網站自爆體重得86磅，似乎為懷孕傳聞闢謠。不過反而就令網民擔心佢係咪因為孕吐先瘦咗咁多。。。
一向好支持老公郭富城嘅Moka呢日搵埋朋友一齊，親身力撐城城主演嘅新戲，睇完戲立刻喺微博幫城城宣傳。
照片可見，Moka身穿紫色鬆身衫，同短褲大晒長腿，身材未有明顯變化，立刻引起網民討論再度懷孕嘅傳聞之外，更令網民大叫骨痹嘅，就係以「真的超好看」五個大字力讚城城，狂派高帽。
仲不忘大放閃光彈，騷出同老公同框「合照」，猛同城城嘅海報Selfie，真係估唔到平時見到城城真人嘅佢，連海報都唔放過！
(on.cc東網)
