前港姐兼無綫娛樂台主播蘇可欣（Eunice）早前有份客串劇集《愛．回家之開心速遞》，飾演學生會之花，同「傻強」馮奕森發展一段短暫嘅感情，Eunice：「我見到傻強變靚仔之後，佢借咗把遮畀我，我就開始鍾意佢，但點知佢最後變番平時咁，我就離棄佢。（現實都鍾意靚仔？）現實都係嘅，但擁有唔到望吓都好。」
Eunice話覺得拍劇好好玩，仲希望繼續有得拍：「我仲好想繼續拍，同場嘅演員又差唔多年紀，睇得出《愛》劇啲演員感情好好，同埋我第一次拎住劇本去睇，終於感受到其他演員講做功課嗰種感覺，所以希望可以拍多啲。」
(on.cc)
