前年嫁俾鄭萃雯哥哥做人妻。
係前主播鄭萃雯阿嫂。
無綫又有新聞主播離職！今次輪到09年加入無綫、現年30歲嘅李朗怡（Connie），繼日前佢喺Ig貼舊相，倒數離職日將至，噚日佢再貼咗一張坐喺主播枱前嘅相片，然後留言「新聞報道完，晚安」，即有網民留言話唔捨得佢，又有人祝福佢新工作順利，前主播兼李朗怡舊同事姚雋彥都有話：「Welcome to the free world.」
加入無綫九年嘅李朗怡，由實習記者開始做起，之後曾於無綫互動新聞任主播，亦有參與其他新聞節目《時事百科》、《周五搜記》採訪工作，11年兼任《天氣報告》主播，至前年有機會擔任午間新聞主播，上月坐正做晚間新聞主播，但她仍然選擇離職，原來將過檔港台新聞部。《蘋果》聯絡過李朗怡，但她只禮貌回覆，表示不接受訪問。
李朗怡成日喺社交網分享佢同鄭萃雯一對孖仔嘅相。
(蘋果日報)
