【薛家燕拍拖十二年】石祐珊好支持:好想媽咪有人錫,有人照顧

    薛家燕「天梯」的故事來比喻跟拍拖12年的商人男友,男友曾兩度向她求婚(相關新聞:https://goo.gl/7Sys6L),但她沒有答應或拒絕,因考慮雙方年紀問題,故不想改變現狀。而家燕這段秘封戀事,其長女石祐珊說:「其實媽咪唔係想公開啲乜,只係閒談近況啫,至於媽咪嘅男友,媽咪係唔會公開佢張相,因為佢喺圈外人。」

    問到身為仔女可接受媽咪這段感情,她說:「好支持,其實好早之前,我哋幾個仔女都好鼓勵媽咪拍拖,只係媽咪顧住工作,當初媽咪有人追,我哋都擔心過對方,唔知對媽咪有咩目的,但係喺呢12年嘅觀察,我哋覺得對方對媽咪好好,好細心,好真誠,真係深深畀佢打動咗,但詳情我唔可以講咁多,因為要保護佢哋呢段感情。(媽咪男友係咩類型?靚仔、實幹,佢哋合唔合襯?)實幹型,我已經講咗好多,雖然佢(媽咪男友)唔會成日喺香港,但都唔想嚇親佢,因為佢係圈外人,我哋見過好多次,其他真係唔想講咁多。」

    問可想媽咪再婚?她說:「一定唔會畀壓力佢,但好鼓勵佢拍拖、甚至結婚,有人錫,有人照顧,如果將來有好消息,大家一定會知,唔會隱瞞。」不過石祏珊強調媽咪就算紅館演唱會後,明年開始減少工作,但一定不會息影:「因為媽咪好鍾意工作,只係我覺得媽咪都辛苦咗咁多年,係咪喺時候享福,享受人生呢?」

    (on.cc東網)

    SHARE