佢晒出多張囝囝嘅近照，相中見佢比之前又長大咗唔少，睇落非常精靈。見到囝囝愈嚟愈大，加上第二胎「面世」嘅時間愈嚟愈近，令佢都忍唔住問。。。
藝人張名雅依家正為老公佗緊第二胎，早前自爆今胎係意外懷孕嘅佢，今日再喺社交網發文指原來連懷孕周數都搞錯咗，佢文中提到：「今日去做產檢先發現原來我已經懷孕七個月啦。等我傻傻一直以為啱啱先係六個月。」
之後，佢又分享呢次佗b嘅情況：「呢個BB都好活躍，同Mario係我肚嗰時不相伯仲。一直踢不停，踢到我嗰肚變形咁滯。今日醫生做超聲波時仲感覺到佢踢咗幾下個超聲波導頭話佢好大力添！」
另外，佢晒出多張囝囝嘅近照，相中見佢比之前又長大咗唔少，睇落非常精靈。見到囝囝愈嚟愈大，加上第二胎「面世」嘅時間愈嚟愈近，令佢都忍唔住問：「你會是一個好哥哥嗎？」並大賣關子叫粉絲估吓呢胎係仔定女。
(on.cc東網)
