薛家燕晚上忙於為無綫節目《流行經典50年》錄影，節目錄影到一半，家燕姐接獲她過身消息，感到十分愕然及難過，難過得想喊出來。
到深夜家燕姐完成錄影後表示：「中秋節我仲有發短訊畀佢，佢好朋友Lilly有覆我，仲諗住麗姐收到我訊息祝佢中秋節快樂，唔知係咪嗰段時間病緊，我真係唔知，我真係好難過，想喊出嚟，因為麗姐係睇住我大，我入行冇幾耐第二套電影就係同佢拍，唉…，佢好錫我，對我好好，所以我個仔結婚，佢話一定會嚟飲宴，佢好開心見到我個仔大，所以知道佢走好難過，頭先都想喊出嚟，但係要做節目，冇辦法。麗姐係一個好好前輩，對粵劇同電影都有好大貢獻，好難過佢離開我哋，佢好慈祥嘅面孔永遠留喺我腦海中，好難過，唔識得點講。」
粵劇名伶吳君麗離世，享年84歲。
吳君麗曾在電影中飾演過薛家燕的媽媽，吳君麗亦對薛家燕愛護有嘉。
吳君麗同胡楓出席薛家燕仔仔喜宴。
吳君麗（右）去年亦有露面。
薛家燕透露與陳寶珠聯絡過，寶珠姐亦聽到這消息，大家也感到難過，她說：「都知道佢最近身體麻麻哋，冇辦法，好唔捨得。」
其好友黃夏蕙接受電話訪問，表示知道對方身體最近也不太好：「喺呢幾月入過醫院，佢唔肯畀人知，我哋都知佢身體唔係幾好，有一次佢入醫院都係記者話番畀我聽，我之後問佢，佢就認咗，麗姐為人比較怕事，入醫院唔會話畀人聽。（咩病？）好似係肺積水定唔知咩，我哋唔好意思問。」
吳君麗2008年曾參演無綫處境劇《畢打自己人》。
吳君麗 (最右)
黃夏蕙表示與吳君麗很小的時候已認識，之前對方曾移民新加坡及美國，對上次見面是幾個星期前：「我話我就嚟籌款，邀請佢嚟唱吓，佢仲話得得得，我仲問佢身體好番未。」
(綜合報道 / on.cc)
