藝人吳綺莉女兒吳卓林嘅女友Andi早喺今年6月，忽然喺社交網嗌卓林做「fiancee」（未婚妻），唔少網民都問佢哋係咪訂咗婚。
圖中文字寫上：「wish the world had as big of a heart as my fiancee does（希望全世界都有寛大的胸懷，就好像我未婚妻一樣）」似乎係講緊卓林。
到咗今朝，身在加拿大嘅卓林晒自拍，並寫道：「I know who you are. I know you know what happened.（我知道你是誰。我知道你了解發生了甚麼。）」雖然唔知佢指嘅係邊個同發生咩事，不過自拍中佢就明顯大晒左手無名指上嘅戒指，加上剛好加拿大係其中一個同性伴侶結婚合法化嘅國家，不禁令人聯想到佢同「未婚妻」Andi係咪已經逵入人生另一個階段。
另外，卓林又晒出另一張自拍，相中佢暴瘦現身，手臂勁幼，連本身有啲肉地嘅面形都忽然變尖，鎖骨凸出，真係我見猶憐，唔知佢到底係P圖過度「整瘦」自己，定係真係咁生活困苦，瘦到見晒骨呢？
(on.cc)
