歌手吳若希（Jinny）到中學出席有聲書活動，曾在內地生活的她認為用普通話錄有聲書不算難：「我細佬嘅普通話仲好過廣東話，佢有好多懶音，『一二三』變『一二山』。」她不擔心女兒學語言有問題，更自認嚴媽：「不過佢仲細，講hello會變『yoyo』，又成日講BB話，我問佢可唔可以講番中文。（識唔識翻譯BB話？）一啲啲啦，傭人姐姐叻啲。」
試足一個月追B嫌老公「唔勤力」
問到何時再追小朋友？她直言冇咁快，更大爆：「試過唔得！試咗一個月就放棄咗。（咁快？）老公唔勤力都冇計。（投訴？）唔係，我同佢分隔異地，結咗婚同有小朋友之後少咗時間畀對方，有時BB瞓咗就會落街行個圈拍拖。講到自己好老咁，其實我仲係廿幾歲！」
望幫助小朋友同單親家庭
提到曾閱讀陳美齡寫關於探訪第三世界國家的書，Jinny大讚對方探訪經驗豐富：「我有個慈善協會主力幫小朋友同單親家庭，睇佢嘅書令我好想諗多啲方法幫佢哋。我都想去探訪，但唔容易，我個協會冇，要經其他機構。」
(on.cc東網)
