2019春夏米蘭時裝周開鑼，今季多了不少新鮮面孔，鄧麗欣及龔慈恩18歲女兒、「星二代」林愷鈴就首次去時裝周。
Max Mara騷場則有兩位新鮮人，鄧麗欣（Stephy)由米蘭一路殺去巴黎睇騷，中段更跑去彿羅倫斯玩，和男友王子更會第一次齊齊歐遊，「佢都去巴黎睇騷，但我地唔係睇同一場騷，所以騷就唔會同場，抽時間食飯、碰面囉，第一次一齊歐遊，工作中拍拖囉。」
首次到米蘭，最想去shopping及四處探索「黎個時4個女仔9個大喼，走個時可能19個喼！」至於新裝，她最like 各類荷葉邊Ruffles，女仔得來又有少許女強人風。
龔慈恩就全程帶住囡囡Ashley，出入為她安排打點、睇騷時影相，陪做訪問，非常24孝媽咪。「今次嚟係做攝影，佢做野我好少跟住，佢唔鐘意我跟，咁岩好耐無一齊去旅行，所以一齊。前幾年有俾guideline佢，而家佢慢慢長大，應該ok。」
173cm、高佻靚女的Ashley完騷後依然興奮非常，米蘭她要喪跑8場騷，Max Mara第一場就冬裝上陣，「熱少少啦，為左靚，梗係唔要命啦。」學霸的她已經入讀建築系，「我唔係學霸呀！第一次睇騷，時尚當然係重點，點樣令到個建築物變左場騷，真係大開眼界，都係學習、見識為主。我好鐘意黃色，一見到Kaia(Cindy Crawford 女兒)著到全黃西裝出黎，真係好開心！」
(蘋果日報)
