於2015年時11月宣佈奉子成婚，之後不時喺社交網公開一家三口家庭照及兒子嘅生活照。不過今日有媒體報道，佢近日已向法院提出離婚申請，現時已經同妻兒分開生活，兩人將通過法律程序力爭兒子嘅撫養權。。。
當時就創下咗韓國偶像最細年紀結婚嘅紀錄，而前年5月東浩仲榮升做爸爸，並不時喺社交網公開一家三口家庭照及兒子嘅生活照，似乎生活得相當幸福。
不過根據今日韓媒報道，韓國男團U-KISS嘅24歲前成員東浩近日已向法院提出離婚申請，現時法院正辦理有關手續。據了解東浩現時已經同妻兒分開生活，兩人將通過法律程序力爭兒子嘅撫養權，而現時兒子就繼續由妻子照顧。同時東浩嘅妻子已將Instagram中提及東浩嘅內容全部刪除。
另外，東浩嘅父親受訪時就指兒子同新抱離婚係因為性格不合，又指將來二人有機會可能會復合，始終二人仍共同育有兒子。同時東浩父親又指早前兒子一家三口先同佢哋見面，對二人離婚大感可惜。
離婚新聞爆出後，東浩已第一時間將Ig轉為唔公開。
而東浩亦於離婚消息曝光後先後接受韓媒電話訪問及於Facebook發表長文透露心聲，佢透露已於上月完成離婚程序，本來想低調處理，但最終卻曝光，佢自言好抱歉。東浩直認與前妻因性格差異而協議離婚，他說：「同前妻討論過，唔想大家關係變得越來越差，所以決定結束夫妻關係，我哋對小朋友會繼續負責任。」未來佢希望唔好再令小朋友帶來傷害，所以亦希望傳媒可以克制討論呢件事，同時佢指兒子將歸前妻撫養，未來佢哋家人想見兒子都可以探望，東浩亦表示前妻於結婚期間都吃咗唔少苦，二人對孩子都感到抱歉。
(蘋果日報/東方日報)
