藝人趙頌茹（Yu）出席「apm 奇幻藝術花燈庭園記者會」迎接中秋節，她表示大女在農曆8月15出生，所以中秋節對她來說份外有意義。她指小時候會想去玩蠟燭，現做了母親反而會留在家中與父母傾偈，覺得更溫暖。大女8歲生日可有特別要求？她即說：「係喎，佢年初有同我講過生日想去玩具店買玩具，差啲唔記得，我會帶佢去，咁一年先買一次玩具啫，想買乜就乜啦！」又指女兒喜歡過中式節日，更提她要買冰皮月餅。
見到阿Yu穿緊身紅裙現身肚凸凸，她即解釋：「你哋唔好諗太多喇！係自己衰，同個女喺屋企不停食零食搞到肥晒，真係要減肥先得。」
另外，她提到打風期間和兩個女留在家中，幸好有有心鄰居送了膠紙貼玻璃窗，風勢強勁令她都感到恐怖，但反而兩個女唔識驚，細女還去開窗，被她罵了一頓：「小朋友好無知，大人就識驚。」颱風過後街上滿是斷樹和垃圾，她都有想過帶女兒落去幫手執垃圾，但想到兩女始終年紀還小，最後打消念頭。
(東方日報)
