日前鄭俊弘（Fred）作客TVB娛樂新聞台節目《StarTalk》，接受主播許文軒（Edmond）專訪，Fred說：「之前一路有Online讀音樂，但既然早排返加拿大休息，咁不如親身去讀，我每日返九至五嘅校園生活，我發覺我啲同學同老師都好勁，原來自己真係好水皮，唯有將勤補拙，同佢地上堂同演出慢慢再燃起我音樂團火。」
早前Fred亦遠赴緬甸作慈善探訪，他說：「今次探訪孤兒院感受好深，我六歲父母離婚，細個嘅時候好怕羞，好少講嘢，所以會覺得我好恰，我日日畀人打，所以先學功夫，依家我好着重家庭觀念，所以搬近屋企，家姐直頭住係對面，想Keep住好Close。」
問到Fred幾時組織家庭生兒育女時，他說：「幾時就唔知，但有幻想過，我諗我係一個幾好嘅Daddy，會灌輸一啲做人宗旨畀下一代，因為我嘅成長已經有一個反面教材係度，我一定會好愛我嘅兒女同伴侶，唔會喺佢地面前嗌交，唔會打，不過做好自己先，依家工作事業行先。」
(on.cc東網)
