藝人葉翠翠（Tracy）不時喺網上分享囝囝嘅生活點滴，網民可以話係睇住翠翠嘅大仔小王子長大呀。
呢日翠翠又喺社交網上載一張老公同大仔嘅相，相中見兩父子互相幫對方刷牙，場面勁溫馨！
翠翠影低咗呢個咁Sweet嘅Moment留言話：「你又刷，我又刷，天天記住唔邋遢，不可放任胡亂刷。每晚小王子準備睡覺前要刷牙，睡覺會開冷氣，會踢被，所以要穿長衫長褲。」
網民都大讚翠翠識教，識得從小培養小王子刷牙習慣，仲話好期待小小王子長大三父子一齊刷牙呀！
(on.cc東網)
【網民大讚翠翠】小王子孖爸爸互幫刷牙超級Sweet
