新手媽媽近日宋熙年發文道出產後心聲，話原來仲有好多生B前未預計過嘅問題，包括產後腫脹、抑鬱情緒、賀爾蒙失調及傷口恢復等等。(相關新聞：https://goo.gl/6tmUfH)
陳智燊（Jason）今日出席活動，繫上煲呔更顯男人味。
Jason離巢後工作不斷，不過要做一位新手爸爸就令佢好繁忙，佢話：「只要大膽嘗試，比想像中唔太難搞，我膽粗粗幫BB沖涼、餵奶、換片，只要唔好驚就得，不過一聽到囝囝喊聲，未至於好開心，但忍受到，因為係我個仔，我同自己講OK啦。」
他續說：「對住佢即使佢喊都忍到，幸好佢唔算太難搞。（中文名改咗未？）我同太太啲中文咁『叻』，搵朋友改、仲揀緊，即使係改英文名我哋自己都拉鋸中，或者今次讓太太宋熙年，下次我揸主意啦。最想生3個，唔得就點都要整多個。」
談到近日工作多，是否囝囝「腳頭好」？Jason承認：「佢幾旺我，呢排我都好忙，忙完諗住返屋企見佢，亦係一種動力。（入息多過喺無綫？）冇得咁計，呢排係好好，夠我個仔做好多嘢，希望儲到幾年學費啦！」
稍後他將離港到德國工作一星期，坦言未出發已甚為掛心：「驚少咗個人睇住BB搞唔掂，太太坐月又好悶，可能送份禮物畀佢先啦。」 
(on.cc / apple daily)
