上年先至升呢做爸爸嘅郭富城，有指佢太太方媛極速再次有喜。
雖然佢哋未有正面回覆，不過之前方媛同朋友食飯時嘅一張相就出賣咗佢，皆因張相明顯見到一向瘦底嘅方媛肚凸凸！
早前一見到記者就即刻遮孕肚
而喺社交網「消失」咗兩個月嘅方媛終於發文，佢發咗張喺餐廳食飯時影嘅靚相，留言話：「好久不見，聽說有人在等我更新哦！」
雖然係側側地面，淡妝上陣嘅佢一樣咁省鏡，因為係坐喺度影，下半身就畀張餐枱遮住咗，睇唔到佢凸肚嘅情況。唔少網友都留言讚佢佗住B但係手臂都係咁纖幼，仲話張相嘅角度擺明就係老公視角即係郭富城影！
（on.cc）
