藝人陳嘉寶（Anjaylia）去年同富二代兼滑水健將黃頌祈結婚，近日佢喺社交平台透露承認懷孕半年，但呢位大肚婆百無禁忌，除咗飛去峇里見證好姊妹出嫁，又照樣行山做運動！
佢喺社交網話尋日做完運動去大學同學聚會，話連同學都覺得佢應該休息，但佢就解釋，其實問過醫生意見，話適量運動係可以嘅！佢仲上載咗條鍛煉手臂嘅片段，見着住Bra Top嘅佢，手手腳腳仲好纖瘦，雖然冇正面樣，但見條腰都係粗咗少少，真係得天獨厚。
佢話：「問了兩個執業多年的專科醫生，她們都異口同聲的對我的運動習慣、強度表示贊同，還建議我千萬不要停呢！另一個關鍵就在於專業的指導了。感恩遇上了非常細心而且擁有多年相關經驗的教練，一直仔細的觀察我的身體狀況、心跳，並根據我的情況為我調整訓練的強度，才讓我能在這幾個月內維持靈活精神，除了整個人更有力量、平衡力大增之外，就連手手腳腳都變得比以往更緊實更細呢！」
最後Anjaylia溫馨提示大家，叫大家要小心為上，但亦唔好睇少自己嘅力量，可能有意想不到嘅驚喜。
(on.cc)
