【罕見夫妻檔一齊出席】吳若希：一影相佢就硬晒呔

歌手吳若希（Jinny）偕老公何兆鴻出席慈善晚宴。問可有想過成立個人慈善基金？她說：「未有時間去搞，我哋個協會成立咗近兩年，每個月都會跟不同機構搞一至兩個慈善活動，今晚個慈善晚宴籌款目標主要係幫小朋友。」

問可會帶埋囡囡參加善舉？她說：「一定會，喺我心裏面已經計劃好，依家佢細唔識，但我都有幫佢將啲玩具、衫仔捐出去。」談到老公好少陪她出席公開活動，她笑說：「係呀，今次係慈善活動嘛，佢好怕醜，一影相佢就硬晒呔唔識笑。」

(on.cc)