藝人宋熙年（Sarah）早前為老公陳智燊（Jason）誕下囝囝。
呢日佢更新社交網，分享做咗2個星期新手媽媽嘅感受。佢晒出一張之前佗B時嘅孕照，並用英文留言講述自己嘅心路歷程。
佢提到話明白做媽媽嘅路唔係好似喺公園散步咁簡單，而係漫漫長路，懷孕只係呢條路嘅開始。佢續指產後呢幾個星期好有挑戰性，而佢已經為餵人奶及不眠不休照顧BB做好準備，但原來仲有好多生B前未預計過嘅問題，包括產後腫脹、抑鬱情緒、賀爾蒙失調及傷口恢復等等。雖然要面對咁多問題，不過佢就表示當抱住BB，老公又攬住自己嘅時候，就覺得一切都值得。
宋熙年又話當抱住B仔同被老公攬攬時，先令佢重拾理智，又自封「瘋狂媽媽」，希望回復昔日嘅自己同感言「世上只有媽媽好」。
(ig/on.cc)
