半年前發現患癌第三期，即時向電台請假治病，休息半年後，昨晚再次為其主持的節目《雲妮鍾情》開咪，並利用節目首30分鐘講述患病經過，多謝關心自己的家人，以及身邊所有朋友，包括一班歌手朋友。
商台DJ Vani在節目中，多謝多位歌手及藝人朋友，她說：「除咗要多謝老闆Rita，令我可以放心放下工作專心醫病，仲有好姊妹阿田（田蕊妮），我記得你陪我覆診時，我同你講，我聽日做化療，會開始甩頭髮，所以我要剃頭，你就錫咗我頭髮一啖。仲有喺電療室攬住我喊嘅倫永亮，你嘅膊頭充滿力量。」
除了阿田及倫永亮，Vani要多謝嘅歌手藝人清單十分長，當中包括車婉婉及鄭秀文。Vani續謂：「你哋喺醫院為我祈禱，喺群組為我打氣嘅留言，我永遠都唔會delete。」另外還有GiGi（梁詠琪）：「多謝Gigi做完演唱會，即刻飛撲嚟探我，出院嗰時幫我攞行李攞到一抽二抽，你真係好可愛。另一位係楊采妮，返嚟香港一日都探我，又成日send寶貝孖仔嘅片俾我睇等我笑，又會send啲短訊嚟令我感動到喊。」
此外，Vani一直以「阿哥」相稱的張學友，她在節目中重點多謝：「要多謝呢個冇血緣嘅阿哥，我知道你唔鍾意上網，但係都不斷上網幫我搵醫學資料，就算幾忙都keep住為我打氣，上個月又安排全家人去澳門睇演唱會，作為我康復嘅禮物。」
Vani透露，切除癌細胞手術長達七小時，她多謝一班同事、903的DJ們在她手術前為她打氣。Vani要多謝的人還有李克勤、容祖兒、楊千嬅、周慧敏、古巨基及太太、張敬軒、陳奕迅、衛蘭、衛詩、林一峰、郭偉亮等人，又指冇諗過孫耀威、鄧健泓、杜汶澤會因為她病而擔心到喊，「嗰刻先知道，原來大家好錫我。」
(apple daily)
