藝人張智霖與袁詠儀（靚靚）兩人於2001年結婚，並在2006年誕下兒子魔童，不知不覺他快十二嵗了。
眾所周知夫婦兩人都是虔誠佛教徒，每年均會到普陀山祈福，可謂「風雨不改」，今年亦不例外。
袁詠儀於社交網站上載了多張到普陀山的照片，相中還有好友蔡一智與太太、名模周汶錡等。眾人十分誠心，靚靚只簡單寫上：「圓滿」。
相信此行各人都十分愉快。
張智霖亦上載了同靚靚出發前與蔡一智夫婦於飛機上的合照，相中素顏的靚靚，比起刻意留咗鬚根的張智霖，明顯後生咗好多，難怪網民大讚靚靚保養得宜，一啲都唔似47歲！
用手袋遮孕肚？
其中一張相，靚靚將個袋孭喺前面，當時落緊雨佢就着咗件雨衣包住全身，有網民留言話驟眼睇完張相嚇一跳~
當大家以為靚靚肚凸凸再度有喜，想留言恭喜靚靚之際，靚靚立即回覆網民搞笑解畫：「故意的，讓大家開心一吓！」
而蔡一智亦有上載此行的照片，表示：「一年一度的普陀山祈福之旅第九年。圓滿！期待長長久久！祝福你我的朋友！感恩！」
(on.cc)
