藝人李美慧挺着大肚子出席新劇煞科宴，但見她行動敏捷，可謂「肥肚唔肥人」，她笑謂：「依家8個月嘞，下個月中可以『卸貨』，我一直都做好多運動，因為想順產，親身經歷做媽媽嘅十級痛。」
問到BB性別，佢就話：「囡囡呀，我同老公一樣，仔女都冇所謂，老公就睇緊字典為囡囡改名，會跟族譜，所以已「曾昭』兩個字，他只係負責揀多一個字啫。」
剛從英國旅行返港的她，自爆差點因懷孕周數過長，而被航空公司拒絕上機：「我最終講大話，由懷孕34周，改口講成27周先過到關。（生完再追多胎？）休息吓先啦，我坐完月好快就接劇，預算11月就復工，但好多朋友話我到時會好唔捨得囡囡囉。」
(on.cc東網)
