藝人陳展鵬與前港姐單文柔（Phoebe）拉埋天窗，問是否影完婚照先決定宣布？
他說：「我都唔想太高調做呢件事，因為想同屋企人去外國酒莊搞婚禮，都要配合雙方家長，自己屋企人唔方便搭飛機，所以決定去當地只係影相。加上香港媒體都想幫我分享呢件事，都想影啲相畀大家同大家公布，我都想盡量私隱啲，但根本冇可能。（閃婚？）唔算喇，識咗接近兩年，需要磨合同睇性格，結婚都要睇雙方面家長傾過偈，所以我哋已經有晒安排。（幾時行禮？）10月中，都想盡量低調，儀式會做足，食飯只係雙方家長，唔會話請好多朋友、擺好多圍，想簡單啲，因為工作都忙，加上家長都想低調。（幾時生B？）隨時都Ready，呢啲講緣分同睇天安排，搞掂婚禮先，都需要時間處理好。」
（on.cc）
