藝人郭晉安（安仔）、楊怡等出席劇集《再創世紀》宣傳活動。
眾人與粉絲玩估字遊戲，林文龍成為被玩對象，楊怡等人將紙張拉近又拉遠，並笑文龍有老花。事後楊怡說：「我冇玩佢呀！係測試佢視力去到咩階段，配副咩眼鏡畀佢。」安仔則說：「佢遠近都睇唔到，但都好呀，我玩遊戲就咩都聽唔到，只係聽到有人嗌『阿姨』！」
阿怡即笑言是她來自馬來西亞的粉絲在叫她，安仔說：「佢哋仲叫我『腳震安』喎！好慘呀！要糾正佢哋，話晒係TVB小生花旦，一個叫『阿姨』（阿怡），一個叫『腳震安』（郭晉安）！」講到現場Fans叫林文龍做「龍爺」，兩人表示不知原因，安仔說：「佢成日喺片場認細，又話我係前輩，我心諗唔係掛？我哋堂堂後生仔點解要認阿爺，真係要問佢。」
對於有指楊怡為生BB最近滴酒不沾，她說：「我從來唔喜好飲酒，何來戒酒？依家奶都戒埋。（有傳老公羅仲謙打算買樓搵名校網？）冇呢個計劃，我都要問吓佢，都要問安仔有咩好介紹。（睇大單位？）依家屋企好夠、好舒服。」安仔則表示阿怡將來會是好媽媽，因對小朋友相當緊張。
(on.cc)
