歌手陳柏宇（Jason）孖師妹葉巧琳（Mischa）出席AlipayHK星爍無人店活動，日前一度高燒到近40度的Jason甫受訪就大派定心丸指自己已康復，又搞笑自稱高了2吋，期間還一直挺胸收腹做訪問「扮高」：「係扁桃腺發炎所以發燒，喉嚨都痛痛哋，前一日又食咗壽司，應該係細菌感染，呢排抵抗力差就易中招。」其後更大爆醫生曾懷疑自己有尿道炎：「醫生問我『屙尿痛唔痛？』我覆佢有少少灼灼哋！之後佢都有開抗生素同退燒藥畀我食，食咗就好番。」
講到要佗B的太太符曉薇親自送院，問到可會驚傳染對方？Jason笑言：「冇得驚，大家都係一齊住，只可以話佢有義氣！」他又憶述當日本來想去做Gym，但攰到郁唔到：「以為係再前一晚操嘢操得好『甘』，搞到肌肉適應唔到先會有微燒，點知今次燒足三日，仲要Cancel（取消）咗兩日嘅工作。」
(on.cc)
