【佗B六個月】大肚張名雅開心今年有BB陪住過

藝人張名雅同老公結婚兩年以來一直相當恩愛，早前佢仲宣布再次懷孕，認真幸福滿瀉。呢日張名雅就同老公齊齊慶祝結婚兩周年紀念日，佢喺社交網大晒二人撐枱腳嘅靚相，相中見佢哋唔止喺海景前歎大餐，老公仲準備咗一大紮紅玫瑰，相當識做。

咁都仲未夠，張名雅仲喺留言透露老公嘅sweet爆舉動，依家大緊肚唔方便着高踭鞋嘅佢，閃爆表示唔需要再着高踭鞋，因為老公認為佢已經夠靚。佢仲話今次嘅周年紀念日有BB陪住一齊過，所以感覺特別開心添！

(on.cc)