宮鬥劇《延禧攻略》在中港台爆紅，「富察皇后」秦嵐已定於今個月中來港出席品牌活動，相信唔少劇迷都好希望一睹皇后風采。
有鐵紛着迷到走去翻查乾隆嘅歷史書，發現有兩張清代妃嬪相中人，同藝人林盛斌（Bob）及王祖藍生得好似樣！連Bob同祖藍都覺得似，仲搞笑地話如果開拍續劇希望有份拍，祖藍直頭舉手話想演「富察容音」！
一直有傳《延禧》會開拍續集，唔少人對「皇后」角色都虎視眈眈。早前有粉絲去翻查乾隆史書，發現當中有兩位清代妃嬪相中人與王祖藍同林盛斌（Bob）生得好似樣，激似度達99.99%，Bob話﹕「如果《延禧攻略》開拍續集，我和祖藍應該要去拍。」祖藍轉帖後回覆﹕「如果有續集，我會爭取『富察容音』這角色！」
秦嵐昨晚在微博貼咗多張想搶演皇后之位嘅藝人，並留言﹕「既然大家都搶着演皇后，如果有續集，本宮不跟你們搶，皇上的角色留給我就好了……」唔少粉絲紛紛留言，讚秦嵐演活富察皇后一角，所以無論開拍幾多套續劇，都難以有人取代！
（綜合報道）
