藝人林盛斌（Bob）早前於社交網站上載一張他與《美女廚房》主持蕭正楠、張振朗嘅合照，並留言指做該節目做到要加大危疾保險，相當搞笑。
究竟Bob做節目時係咪屙過無限次？佢就話：「其實又唔係次次都有屙，係其中有時夾硬食咗啲唔夠熟先慘啲啫！」
談到邊位靚女嘅廚藝「最地獄」？佢笑言：「暫時最難食係鄧佩儀同朱晨麗，完全係黐鬼線，難食程度係負一億分，最大鑊係佢兩個想認真煮好，但係出嚟竟然係屎！」
朱晨麗
一啖砂糖一啖屎，食得難食嘢多，都總有啲好食嘅！Bob就話煮嘢最好食嘅暫時係黃翠如碗潮州粥：「有驚喜、有創意，從來冇人試過煮粥。仲有蝦頭，估唔到佢下廚嘅手勢咁厲害，同個樣好大落差。」
黃翠如
蝦頭
（on.cc）
