82歲嘅謝賢(四哥)近幾十年最icon嘅造型，當然係佢梳馬尾、戴黑超呢個chok樣，且無時無刻、由朝到晚都以「黑超護體」。
戴足五十年不變
就算05年同張文慈拍亞視劇《情陷夜中環》時，就連床戲都要戴住黑超，十分貪靚，更有網民笑四哥戴黑超戴足50年。
究竟邊個咁有face，可以令四哥除超見真身？就係佢寶貝仔「Chef Le Mon」謝霆鋒。今日霆鋒喺佢鋒味facebook專頁貼咗四哥除黑超嘅相。仲留言：「他說一輩子沒甚麼留給我 只有幾隻飽魚。」
相中，見四哥笑笑口拎住兩隻鮑魚，眼紋確實係唔少，一個慈祥老人模樣，少咗平時嘅霸氣。
不少網民見到四哥「真面目」當然表現驚喜，有留言：「第一次見四哥冇戴眼鏡」、「難得四哥沒戴眼鏡」、「終於見到四哥真面目啦，似返一個正常老人家。」霆鋒出賣老竇，輕易呃到唔少「Like」！
(apple daily)
