岑麗香10年參加國際中華小姐奪得冠軍而加入大台做藝員，12年拍攝劇集《巴不得媽媽…》，劇中嘅「香香公主」一角，而大受歡迎，之後就好多人叫佢做「香香」喇！
噚日呢位「香香公主」就遇多另一位「香香公主」，佢就係1976年，主演金庸名著《書劍恩仇錄》入一面，飾演「香香公主」嘅余安安，見到佢哋兩位着晒浴袍影相，香香留言話：「今晚拍攝我真lucky囉！我可以同original 的香香公主同場！好開心呀！當然要拍照啦，大家晚安！」
今年58歲的余安安，同33歲嘅香香合照，都真係一啲都唔輸蝕㗎，見佢好似食咗「防腐劑」，真係佩服呢位凍齡美魔女呢！
(蘋果日報)
