鄭欣宜同謝婷婷向來都係矚目嘅星二代，因為肥姐沈殿霞與狄波拉同謝賢相熟，所以欣宜同婷婷都係由細friend到大。
今日喺婷婷嘅36歲生日，欣宜喺ig貼咗一張佢哋細個時候嘅合照，當時嘅欣宜已經肥嘟嘟好可愛，而婷婷就同現在冇乜點變，細細個已戴耳環好貪靚。
但估唔到一張相就惹嚟haters留言﹕「你全靠父母，不是父母，你什麼都不是。」
欣宜不慍不火反擊﹕「你說得對。我們全部都是。」唔少網民都讚欣宜有智慧，因為我哋全部都係全靠父母，唔係點長大？！
欣宜以英文留言﹕「喺呢個咁特別嘅日子，我想貼呢張相，祝某一個特別嘅人生日快樂。你曾經要我答應唔好貼呢張相，但我覺得呢個係個盟約，去表現出所有醜小鴨都有希望，雖然我從來都冇變成一隻優雅高貴嘅天鵝，但起碼我哋其中一個現在係。生日快樂，婷婷姐姐。」
（蘋果日報）
