9月9日喺胡定欣嘅37歲生日，但唔少朋友已預早為佢慶祝。繼日前姚子羚同李施嬅率先為定欣慶祝生日後，定欣今日喺ig story再貼咗同bb size嘅壽包影相，仲聽到楊秀惠為佢唱生日歌。
定欣話﹕「好開心呀，最鍾意你俾我呢個壽包B，好多個pat pat喎。」佢仲話﹕「簡簡單單就好了。」
定欣雖然單身，但生活仍然過得好充實，噚日仲同好兄弟袁偉豪、陳山聰及幾位圈外朋友玩wakesurf，見佢拎住繩嘅時候都好有姿勢，可惜拿開繩後快就跌咗落水。
佢落水前都要型少少見佢一個轉身就同大家揮手講bye bye，佢話﹕「對比番一年前玩個一次，我覺得今日的表現算係咁！姿勢都好睇咗，希望下次可以玩到放繩都hold到至少30秒。一定要睇到尾，咩叫做沿途就算跌要跌得好看。」
(蘋果日報)
