剛剛度過39歲生日嘅周勵淇（Niki），同家人、朋友及Fans先後開生日party慶祝。
姐姐周汶錡同妹妹慶祝生日
唔少得好朋友阿Sa
個蛋糕好靚呀！
過完生日週之後，呢兩日佢已經投入工作，飛咗去北京。而佢有份演出嘅新劇《再創世紀》，上月底已經喺大陸嘅央視電視劇頻道CCTV-8及愛奇藝率先播緊。
相信大陸觀眾對佢並唔陌生，點知……
最近Niki喺社交網貼咗張相，相中嘅佢身處入住嘅酒店房內，佢面前係開咗機嘅電視機畫面，而佢一臉驚訝，擘大口瞪大雙眼，原來電視機畫面嘅歡迎詞寫住︰「尊敬的周麗淇先生」，所以Niki都忍唔住留言︰「先生？要好好解釋一下了。」唔少網友睇到紛紛留言︰「你變咗性」、「周生咁靚女」。
本身係女人嘅Niki，幾時變咗男人？其次係佢最近嘅中文名都改咗，叫周勵淇而唔係周麗淇，估唔到北京咁大嘅城市，呢間唔知幾多星嘅酒店，連客人性別、名字都全部搞錯，認真抵打。
（ig/ apple daily）
