原來07年佢曾經與藝人黃致豪（前名黃長興）組隊參加：「隔咗十年佢已經有咁嘅成績，真係戥佢好開心。當時我哋大家都係新人。。。」致豪又讚對方好Nice、好Friendly。
內地藝人秦嵐「王后」於《延禧攻略》一劇中爆紅，早前上內地跳舞節目《新舞林大會》自爆唔識跳舞，不過，原來07年佢曾經與藝人黃致豪（前名黃長興）組隊於湖南衛視節目《舞動奇跡》中齊齊跳舞，當時都跳得有板有眼。
黃致豪接受東網訪問，憶起多年前與「皇后」的跳舞點滴，他謂：「其實老實講我冇睇《延禧》，不過有日我餐廳個員工問我之前係咪參加《舞動奇跡》，話我知當時個拍檔好紅，做女主角，我話：『係咩？』之後我先坐定定睇咗一集，隔咗十年佢已經有咁嘅成績，真係戥佢好開心。當時我哋大家都係新人，但當年佢已經好忙，佢對跳舞好有天分，排一陣已經足夠上場，之後佢因為忙，冇乜時間排舞，好多時間都排唔到，但佢都成日同我唔好意思，之後我哋都入到頭幾位，已經好好。」
致豪又讚秦嵐份人好Nice、好Friendly。
(on.cc東網)
