藝人陳琪與胡諾言婚後先後誕下大長女胡芷苓（Jay Jay）、二女胡芷悠（Jacey）同細仔胡澔錕（Jayden）。
昨日（3日）係大女Jay Jay九歲生日，成家人就同佢搞咗個生日會，仲送咗個卡通造型嘅生日蛋糕畀佢。
雖然係家姐Jay Jay生日，但佢亦都攬住細妹、細佬一齊影相慶祝，真係好有家姐風範！
而下個月先至兩歲嘅細佬Jayden亦合埋眼許願，十分搞笑！見波仔用盡全身力幫家姐許願，睇嚟個願望好大好長下！
三姊弟感情咁好，難怪陳琪都發文：「話咁快Jay Jay 9歲啦！多謝你來到我家，給我們無限歡樂！三個孩子當中你最乖，以後妹妹同弟弟都會一直以你為榜樣。媽媽知道呢個擔子唔輕，不過你係一個有能力嘅孩子，所以你要繼續加油。」
(on.cc)
