內地宮廷劇《延禧攻略》掀起一股追劇熱潮，雖然網上版已播出大結局，不過呢套劇仍然話題性十足，劇中演員亦備受關注，新聞停不了，好似女主角「瓔珞」吳謹言就被傳媒狠批耍大牌搞到要三度道歉、「皇后」秦嵐被爆撻着細7歲嘅「海蘭察」王冠逸等等。
該劇就令到戲中嘅「魏瓔珞」吳謹言、「皇后」秦嵐同嫻妃佘詩曼爆紅，近日大陸有消息指，《延禧攻略》將會原班人馬拍新劇《皓鑭傳》。
聽到呢個消息，相信好多人都會好開心同好期待，之但係，有指《皓鑭傳》，並唔係所有人都有得留低㗎喎！咁邊個無得留低呢？
之前「瓔珞」吳謹言就得罪來自央視嘅嫡子大阿哥《中國電影報導》，答應咗做訪問之後都膽敢放飛機，仲要人哋俾場地費，結果俾官媒喺微博發點名批評，未幾傳出廣電總局口頭通知各大影視公司要慎用呢個演員，昨日再有傳兩部電影傾緊用佢，最後決定易角！
吳謹言嘅《延禧攻略》造型（左）VS《皓鑭傳》造型
譚卓今次唔演「高貴妃」，而係演「華陽夫人」，同吳謹言喺劇中係婆媳關係。
《皓鑭傳》又係于正做監製~
咁今次《皓鑭傳》係咪吳謹言被飛呢？答案係：唔係，其實今次未能參與《皓》劇嘅，原來係「皇后」秦嵐同「嫻妃」佘詩曼呢！
(on.cc)
