二人育有一女，近日再做父母，為囡囡添多個妹妹！難掩再做人母嘅佢，急不及待將一家四口合照放上社交網，並留言：「陳氏二小姐出世啦！沒想到媽媽肚子這麼小，你竟然有6.10磅！媽媽很滿意啦～❤乖豬！」再多個前世情人嘅陳定幫抱住大女非常冧，唔少網民紛紛留言恭喜佢哋，藝人陸詩韻都有讚好送祝福！
陳定幫細女陳楚惠（右）平安出生，同家姐陳楚翹一樣樣。
林盛斌（Bob）御用風水師、陳果齊兒子陳定幫同太太楊錳霏（阿Bee）早已育有一女陳楚翹，兩夫妻今年再造人成功，阿Bee再陀囡囡，今日剖腹產女，重6磅10安士，母女平安。
阿Bee呢胎獲老公陪入產房打氣，36歲陳定幫回覆傳媒：「呢次我第一次陪產，上胎冇入，我冇剪臍帶，我同醫生講你千祈唔好俾我見到血，我淨係陪老婆得㗎啦，老婆今次好叻，佢瞓足兩個月，BB 29周本來隨時出得嚟，但老婆聽醫生話肯瞓床，結果囡囡足月出世。」陳定幫話暫時同囡囡取名陳楚惠，囡囡同家姐初生時一模一樣，似爹哋，輪廓分明，陳定幫今日留喺醫院照顧老婆。
(apple daily)
